Kolesterol
Kolésterol ya iku molekul lemak ing jero sél sing dipérang dadi LDL, HDL, total kolésterol lan triglisérida.[1] Sejatiné kolésterol iku komponén lemak.[1] Kaya sing wis dimangerténi déning masyarakat yén lemak iku zat gizi sing diperlokaké awak saliyané karbohidrat, kalsium, lsp.[1] Lemak iku sumber énergi sing ménéhi kalori paling dhuwur.[1] Kolésterol iki sejatiné zat sing penting kanggo awak, nanging nalika cacahé wis kakéhan bisa marakake penyakit.[1] Kakéhan kolésterol iku mau bisa marakaké aterosklerosis, ya iku saya ciuté pembuluh getih utawa marakaké saya atos pembuluh getih. Yen wis kaya mangkonobakalé dadi cikal bakal penyakit jantung lan stroke.
Faktor-faktor Mundhake Kolesterol
Ana 7 perkara sing marakaké kolésterol ing awak saya mundhak.[2]
- Panganan sing dikonsumsi sedina-dina
- Bobot awak
- Kurang Olah Raga
- Umur lan jinis kelamin
- Penyakit tertamtu
- Sejarah kaluwarga (genetik)
- Rokok
Bebayane Kolésterol
Keluwihan kolésterol iku ora becik kanggo awak,kayata.[3]
- Nutupi pembuluh getih otak sing bisa marakake serangan jantung.
- Nutupi pembuluh getih jantung sing bisa marakake stroke
Patokan Ukuran Kadar Kolésterol Normal
Kadar kolésterol sing normal iku ana patokane kaya ing ngisor iki.[3]
- Kolestérol total < 200 mg/dl
- Kolestérol HDL 35 65 mg/dl
- Kolestérol LDL < 150 mg/dl
- Triglisérida < 200 mg/dl
- Ratio kolésterol total : kolésterol HDL < 5
Ngatasi Kolésterol
Ana macem-macem cara kanggo ngatasi utawa ngendalékaké kolesterol, kayata:[4]
- Diét kanthi ngonsumsi panganan sing kadar lemak lan kolésterolé cendhék.
- Konsumsi panganan sing akéh serat.
- Konsumsi antioksidan.
- Ora ngombé alkohol lan ngrokok .
- Ulah raga
5 Jinis Panganan Kanggo Ngatasi Kolésterol
Ana 5 jinis panganan sing apik yén ditambahaké ing menu diét kolésterol.[5]
- Almond, ya iku jinis kacang-kacangan kang bisa ngudunaké LDL nganti 4,4%
- Oatmeal
- Iwak kang ngandung Omega3 kayata tuna lan salmon
- Anggur Merah kang ngandung flanavols bisa ngudhunké kolésterol lan ngendhekake penyakit jantung
- Kacang kedelai bisa ngudunaké produksi kolésterol anyar.
Cathetan suku
- ^ a b c d e farmasiku
- ^ mubarokonline
- ^ a b gizi.net
- ^ kumpulaninfo
- ^ carahidup.um.ac.id
- Kasehatan